مكنة حلاقه من السوبر ماركت

- بقولك ايه يا حبيبتي .. انا هنزل اجيب مكنة حلاقه من السوبر ماركت ..

😊
= طب ما تيجي نروح كارفور ..

😃
- يعني هروح كارفور عشان اجيب مكنة حلاقة!!

😐
= ما انا عايزة حاجات للبيت ..

🤗
- طب قوليلي علي الحاجات المهمة انا هجيبها من تحت

☺
= لا ما هو مفيش حاجه في دماغي دلوقتي ..طب احنا هنيجي معاك انا و كوكي ..

😍
- تيجوا معايا فين انا رايح السوبر ماركت في اخر الشارع

😣
= ما احنا قاعدين طول اليوم في البيت اتخنقنا يعني

😏
- طب قوموا البسوا ..انا عارف النزلة دي هاخد معايا كل الفلوس اللي في البيت و فلوس الايجار و الدهب و اي اجهزة الكترونيه خفيفه

😢
= علي فكره انا مش هجيب غير كيس رز و ربع جبنة براميلي .. ما تأفورش بقي

🙁
- طب يالا ننزل .. بس بشرط هتخليكوا انتوا في العربيه و انا هجيب الحاجه و اجيلكوا ..

😊
= ماشي

☺

🔴 عند السوبر ماركت ..

⬇

⬇
لو سمحت عايز مكنة حلاقه و كيس رز و ربع براميلي ،،،
فجاه سمعت صوت صريخ كوكي
في ايه يا بنتي مالها بتعيط كده ليه ؟؟

😨
= عايزة ايس كريم ميجا

😎
- طب و انتي عرفتي منين انها بتعيط عشان ايس كريم و بالتحديد ميجا ؟ هي دي ring tone عياط انتي حاطاهالها للميجا !! حاضر يا ستي هجييلها واحده ..
= الأمومة بقي مش سهلة .. خليهم اتنين

✌
- نعم ؟؟؟

🙈
= نفسي فيه

😌
- حاضر

🤐
- بكام الميجا لو سمحت ؟ ب 8 جنيه .. ليه يا عم اومال الجيجا بكام ؟ طب في استيك ابو نص ؟؟ يا بيه اللبانه بنص جنيه .. طب هات اتنين ميجا بايت ..
و فجاه صوت كلاكس العربيه
نعم في حاجه ؟؟