وانا كنت راكب السوبر جيت قبل كده و جنبى بنت ، كل شوية البنت تغطي شاشة الموبايل بايدها عشان مشوفش هى بتكتب ايه وبدأت تبصلي بصات عجيبة ، وقامت من جنبي وهى متعصبة ومتنرفزة وقعدت في كرسي بعيد وبصتلي بطريقة كلها نفسنة ..
طيب معلشً يعني .. انا هركز فى موبايلك ليه ؟
وليه اهتم بموبايلك ولا باللى بتكتبيه ؟
ايه دخلنى انا فى موبايلك ؟
ماتولعى انتى وايهاب بتاعك اللى بتحبيه وهاتقبليه يوم السبت فى جنينة الاسماك 12 الضهر بعد المحاضرة لأنكم بقالكم اسبوع متقابلتوش وواحشين بعض ع الآخر ، ومش عاوزة تتأخرى زى المرة اللى فاتت لأن ابوكي بدأ يشك وخايفة يعرف انك بتقابلي ولاد ، انا بقى مالي ما كنت قاعد فى حالى مليش دعوة بيكى ولا بموبايلك اصلآ !
حاجة غريبة والله
😂😂
Post a Comment