جوزي قالي : انا وصاحبي السعودي متفقين نعزم بعض قلتله وماله ياخويا مش عيب كنت جايبة دكر بط وجوزين حمام وعملت صوانى ومحاشى وافشخانات ووصلوا بسلامة الله هو ومراته وجابولنا معاهم بوكيه ورد قلت ورد ؟؟
😂 هو انا طالعة الارافه ولا ايه؟ قلت لعيالي : محدش ييجى جمبه سيبوه اوديه لطنط اللى مطاهرة ابنها واهو يبقى بجميلة
😂المهم نسفوا الاكل قلت الف هنا يلا هتعزمونا امتى بقى على الخروف
🐏🐏قالوا ان شالله بتجولنا يوم التلات
😂قلت لجوزي تلات يعنى مفيش غير التلات دا حتى يوم مش رومانسى
😂المهم واحنا رايحين قلت لجوزى: لاااا والنعمة مانا رايحه ايدى فاضية لازم تنزل تجيبلهم حاجه قيمة كده دول اكيد دابحلنا خروف مش خسارة فيهم
😂 نزل جاب علبة جاتوه وطبق شيكولاتة ورحنالهم
😂 مراته داخلة سلمت عليه ولابسه كعب سبعة متر وجيبة مينى جيب
قلت فى عقل بالى... وانا لما بعمل عزومه ببقى بجري ومشمرة الجلابية فى الكالسون وملبوخه
😂ايه النسوان الرايقه دى لحقت تتطبخ امتى
😂المهم جت سلمت عليه وتحلف لاااازم اشلح عبايتى وانا اشد فى العباية وهى تشد وتحلف وتقول مافى حد غريب غير حماتى واخت زوجى
😅المهم امرى لله شلحت
😂😂 ومن ستر ربنا كنت جيبالى بلوزة وبنطلون من تخفيضات سيتى ماكس اللى بنقطع بعض عليها دي
😂لقيتها بتقولى وااااو ايه الشياكة دى والله انتوا المصارية زوقكم بيجنن منين جبتيهم
😂قلتلها هبقي اخدك معايا التخفيضات الجاية اوريكي الغرزة بتاعتنا
😂قالت ماشالله عليكي اتفضلى اجلسي جلست مستنيه بقى العزومة لقيت الصواني جايه ورا بعضها قلت يادى الهنا اللى انا فيه المهم قعدت مع الحريم وعينك ماتشوف الا النور
😠😠لقيت صينيه فى النص كبيرة فيها كبسة ومرصوص حواليها شرايح بيض مسلوق قلت اكيد اللحمة مدفونة جوة اصبرى يابت
المهم حماتها تقلب فى الرز مش لاقيه الدجاج
🐓🐓اتاريها طلعت كبسة دجاج وتقولى الظاهر الشغاله غرفت الدجاج للرجال قلتلها لا ولايهمك دا انا صلا هكاكى من الدجاج اللى كلته هنا
😂قالت طيب دوجى الصينيه دى ابص اوووى الاقي شرايح زي الكبده قلت يافرج الله ربنا عوضني خير
😂 لقيتها شرايح بيتنجان فى الفرن
😓محاولتش ابصلها اصلا
😂وتحلف انى ادوج قلتلها بيتنجان يامه ارحمينى
😢احنا عايشين فيه طول السنة
😂اخر صينيه لقيتها قرنبيط بالبشاميل في الفرن
😓ياحزن الحزن ياولاد اقسم بالله ماشفت حته لحمة على السفرة
😂 عملت نفسي باكل وهما نزلوا ع الاكل بايديهم ماشاء الله قمت اجررري.... مالك ليش جمتى قلتلهم عاملة رجيم
😂ربنا يهد حيلكوا يا بعده بيض مسلوق ايه وبيتنجان وقرنيط ايه شايفني جاية من مجاعة عزبة البشمور
😂منك لله ياجوزي
😂😂😂😂😂😂😂😂
من قسم :-
نكت مضحكة