نصيحه ... طفلك وجوزك .... ويارا :D
1 - الطفل مبيبطلش عياط مهما عملتي فبالتالي لما جوزك يقولك اعمليله شاي عشان يشتغل سيبي الطفل في أي حتة و اعمليله الشاي ..
و إلا جوزك مش هايعمل شغله و هايتطرد منه و يفلس و يدمن و يخونك مع واحدة اسمها يارا على الأغلب !
2 - اياكي تقربي من الطفل لو لقيتيه بيبتسم .. ده معناه إنه هايخرج غازات من كل فتحات جسمه !
3 - بطلي تفرجي الناس على براز طفلك في البامبرز و تدعي إنه ملوش ريحة .. لأ ليه .. انتي اللي مناخيرك ماتت لكن الناس ملهاش ذنب !
4 - كل الأطفال أول ما بيتولدوا شكلهم وحش وده مش بالضرورة معناه إنهم طالعين لأبوهم !
5 - لأ مش الأكل اللي بيخلص من التلاجة شيطاني .. الرضاعة بتجوع وكل الناس عارفة ده !
6 - الطفل عارف انتي بتنامي امتى و بتاكلي امتى و بيوفر صريخه للوقت ده .. اياكي تخلي ابنك أو بنتك يعرف انتي هاتعملي ايه امتى .. عامليه كجاسوس !
7 - أيوه طفلك أحلى من كل الأطفال التانيين و المفروض ياخدوه يعملوا بيه إعلانات في التلفزيون بس هي الرقابة للاسف اللي بتمنع عرض الحاجات المرعبة على التلفزيون !
8 - كل الأطفال عندها حول طبيعي بيروح مع الوقت .. محاولة عدل عين الطفل بصباعك مش مفيدة ومضرة ببشرة الأصابع !
9 - الطفل بيحط أي حاجة في بقه و أول حاجة بيدور عليها لما بيتحرك هي فيش الكهربا اللي في الشقة .. متيضعيش وقتك في محاولة حمايته و سيبيه يتعلم بالتجربة أو يكون عبرة و عظة لغيره من الأطفال !
10 - زي ما طفلك بيجوع جوزك كمان بيجووووووووع ..
حاولي متنسيش الحقيقة دي وإلا هاتكتشفي فجأة حلاوة طبيخ يارا خصوصًا لما جوزك يبدأ يتخن فجأة !
11 - بطلي تغني لطفلك بصوت عالي .. كونك أم لا يعني بالضرورة إن اللي حواليكي أصيبوا بالصمم !
12 - وأخيرًا بطلي تقولي لجوزك بكراهية انت السبب .. متنسيش إنه ضحى بيارا عشانك !
( وقولي ل يارا اللي خدته القرعه تاخده ام الشعور )
والله الموفق والمستعان