سمك بلطي مقلي ، رز صيادية و مسقعة و سلطة خضرة

سمك بلطي مقلي ، رز صيادية و مسقعة و سلطة خضرة ... و فنجان القهوة لزوم التظبيط كالعادة
السمك المقلي: اتنضف و اتحشي و اتحط في الدقيق و في الآخر اتقلى ( الحشو: توم و كرفس و شطة حمرة و كمون و ملح و بهارات و نضرب كله في الكبة).... بعد ما السمك اتقلى حطينا شوية من الحشو علي الوش
رز الصيادية: بتجيبي بصلتين و تحمريهم كويس في الزيت و بعدين تحطي الماية وتحطي فيها ملح و كمون و بهاراتك اللي بتحبيها و نص عود قرفة و تسيبيها تغلي و لما تغلي تحطي الرز و تسيبيه لحد ما يستوى
المسقعة: قطعنا المكونات و قليناها و بعدين حضرنا الصلصة( نحمر فصين توم و بعدين نحط عصير الطماطم و كمون و ملح و شوية بهارات و نسيبها لما تتسبك و بعدين نضيف شوية ماية و نسيبها تغلي شوية) و بعدين نحط المكونات و نوطي النار لحد ما تتظبط

السلطة الخضرة ( طماطم ، خيار، خس و بروكلي و جزر ) و الدرسينج ( لمون و زيت و شوية من حشو السمك )