كُتر البُكا بيعلم القاسية يا بنتي
كنا كلنا قاعدين و جه يصالحها و هي بمنتهي الهدوء اللي فالدنيا لسانها ماسك ف كلمة واحدة ( انا اللي مش عايزاك ) اللي جنني ان مافيش ولا دمعة نزلت من عينها ولا كأن في حاجة اصلا !!
يا بنتي يرديكي يهديكي دا عشرة سنين وسنين ! طب حيتغير و بصراحة الراجل ساق طوب الارض عشان يرجعوا و هي ولا هي هنا
غيرت رقمها و سافرت اجازة تستجم مع اطفالها و بقيت بتخرج و تضحك و تهزر و واشتغلت و ركزت ف شغلها و كل حاجة تخليها تنسي وتبقي سعيده
كلنا كنا بنضرب اخماس ف اسداس !!! ايه الجبروت دا !!!
مين دي اصلا ؟!!!
هي دي اللي كانت بتتمناله الرضا يرضي ؟؟؟
هي دي اللي كانت بتتنازل و تسامح و تعدي و تحايل و تيجي ع نفسها ووتتصل يشخت فيها ويتقفل ف وشها السكة و ترجع تتصل !!
"اةةة هي ع فكرة "
😏كلنا عدي علينا العلاقات اللي مكناش مفكرين ان الاتنين دول ممكن يسيبوا بعض !
كلنا شوفنا طرف بيسحل طرف !
كلنا شوفنا الطرف الطيب لما فجأة يطلع جبروت الدنيا !
كلنا اتفاجئنا !
كلنا كنا متوقعين ان اخرت العلاقة دي ان القوي هو اللي يسيب الضعيف
😞
✋🏻 !لما قعدت اضرب كف ع كف و اقول سبحان من شال حبه من قلبها !!!
سبحان مُغير قلوبنا من حال ل حال !
امي دايما تقول مثل حلو اوي ( كُتر البُكا بيعلم القاسية يا بنتي
✋🏻)هو اللي خالاها تعيط كتير و تتعجز و تتسند ع نفسها ف وقت ما كانت محتاجاه ، هو اللي خالا وجوده زي عدمه لحد ما هي عرفت تخلي عدمه افضل طلاما كدا كدا مالوش لازمة
✋🏻اللي بيعيط بسببك دا يخليك تخاف ، تخاف من عياطه و احتياجه و انكساره دا ، عشان بعد كل الضعف دا حيفوق و يتسند ع نفسه و ساعتها حتبقي اول حد يستغني عنه
✋🏻القوي هو اللي بيحافظ ع العلاقة مش اللي بيستقوي ع اللي ادامه ، اوعي تفكر انك حتفضل قوي ع طول !!!!
فعلا " كُتر البُكا بيعلم القاسيه "
بلاش تقسوا ع اللي معاكو عشان حتتفجأوا لما الدنيا تدور
