اكسسوار رائع بمسدس الشمع (Hot glue gun projects )

مسدس الشمع مش بس بنستخدمه  للأعمال اليدوية ،

 مسدس الشمع مهم جدا فى كل بيت 

كتير بنحتاجه فى اصلاح أشياء مهمة كان ممكن تترمى لو مسدس الشمع مش موجود
وبعيدا عن استخداماته الشائعة هتتعرفوا معانا على استخدامات عجيبة و أفكار متميزة غير معتادة بمسدس الشمع فى سلسلة موضوعاتنا الجديدة

(Hot glue gun projects )

 أول الأفكار دى هيكون
عمل  اكسسوار للرقبة بمسدس الشمع

 أولا المطلوب 
مسدس شمع Hot glue gun
تل
اسبراى ملون باللون المفضل ليكى

الطريقة
هنرسم شكل الاكسسوار على ورق أملس أو حتى على لوح من الزجاج
نقص جزء من التل ونضعه فوق الرسمة ,ونشد التل كويس

ونلزق أطرافه على الزجاج بالشمع 
عشان التل ميتحركش و عشان الرسمة تكون مظبوطه معانا .

نبدأ نمشى على التل و على الرسمه بمسدس الشمع

خلصنا الرسمة بالشمع

هنرشها بالاسبراي الملون ونسيبها تنشف
بعد كده هنشيلها بحذر من على الورق أو لوح الزجاج ونقصقص القماش الزائد من التل
ونركبلها سلسلة صغيرة عشان نقفلها على الرقبه

طبعا مش لازم تقيدى نفسك باللون الأسود ممكن تغيرى فى لون التل و لون الاسبراى حسب ماتحبى ،حتى الرسمه ممكن تغيرى فيها على كيفك .
ان شاء الله الموضوع يكون عجبكم

 و انتظروا الموضوع القادم من سلسلة  (Hot glue gun projects )