عايز تعرف الطالب المصري بيكره المدرسة ليه ؟
- جرب تقف في طابور المدرسة ساعه و تبدأ يومك "بالتمارين" اللي ملهاش علاقة "بالرياضة" ، مع أصوات مدرس الألعاب وهو بيقول (واحد إتنين تلاتة أربعة هوب إتنين تلاتة أربعه) طبعا مع تمارين السقفة اللى مش فاهمه لزمتها ايه!!.
- جرب تسمع الإذاعة المدرسية اللي طبعا أغاني و أخبار و معلومات من كتاب المدرسة
- جرب تدخل فصل تلاقي كل أربعة في نفس الكرسي المدرس يقول اللي قاعدين ورا خايبين .
- جرب تستحمل المدرس وهو بيتفلسف عليك في حصة الدين و يعلمك إن "الإبتسامة صدقة" ولما تضحك في وشه يقولك : إنت أهبل !! .
- جرب تنسي قلمك يتعوج عليك المدرس أوى و يقولك : ده القلم بنص جنيه لو مش معاك ممكن أسلفك و بعد شوية يسأل "حد معاه قلم أحمر أصحح بيه الواجب؟"
- جرب تنزل "الفسحة " اللي مدتها 10 دقايق متبقاش عارف تعمل ايه في الوقت ده .. تاكل سندوتشاتك .. تشتري من الكانتين اللي عليه هجوم .. ولا تدخل الحمام اللي دايما مش نضيف "اصل عمال النضافة مش بيجوا علشان ينضفوا" ولا تشرب من الحنفيات اللي تصميمها نفس تصميم حنفيات البهايم "حفظكم الله" ده أذا لقيت أصلا وجدت.
- جرب ترجع من الفسحة علي فصلك و تلاقي المدرس عاملك إمتحان مفاجئ مش علشان إختبار قدراتك لا .. هو بس "مكسل يشرح" .
- جرب تسمع كلمة "يوم الأحد" إمتحان و تقول للمدرس إن يوم الأحد عندك إمتحانين .. يرد يقولك "عندكم جمعه وسبت ذاكروا فيهم" أصل المذاكرة "عقوبه" مينفعش ترتاح منها حتى يوم أجازتك !!.
جرب فرحتك بحصة الألعاب ولا الموسيقي وتلاقي المدرس بيقولك "إنزل لم الزبالة من الحوش"
- جرب يبقي عندك أعمال سنه و غصب عنك تستحمل "عدم إحترام المدرس ليك" ولو خرجت عن شعورك و إشتكيت بتاخد "صفر" كبير فيها .. و المدرس يقول أنا عمري ما شفته ولو إنت إعترضت يقولوا لك : يعني المدرس هيكذب ؟ .
- جرب تروح بيتك الساعه 3 و أحيانا 4 و مطلوب منك تتغدى و تكتب واجب لأكتر من 5 مواد و كمان تذاكر اللي أخدته في المدرسة و تروح الدرس و أهلك يقولولك لازم تنام بدري .. هل يعقل إن إنسان يصحي الساعه 6 صباحا و يعمل كل ده بتركيز بدون اي راحة .
- جرب تخلص مدرسة و تدخل كلية و تتخرج و متلاقيش شغل . عارف بعد كل الأساليب الغير أدمية دى هيقولوا عليك ( فاشل ) ... 💙👏
وييجي وزير أبنلكلب يقولك السبت مش أجاازة