😉 إلا لو فى أمر كارثي خطير .
🚩متفضلوش
تحاوطوا الناس و تبعتلعم ما انتى اونلاين اهوه مبتروديش ليه،،،،،،ما انتى
قريتى الكلام ع الواتساب الساعه كذا و مردتيش عليا الا بعدها بكام ساعه ،علفكره اللى فاتح النت ممكن يكون بيتفرج على درس او متابع شيء خاص بيه،،،،،مش لازم عشان فتح النت انه كده فاضي،،،،،،،وممكن الواحد فعلا يقرا الكلام ع الواتساب وينسي يرد،،،وممكن يكون فاضى و كل حاجه بس فى مود اسمه سيلنت مود،،،، عايز اكون لوحدى مش عايز ارغى مع حد
🚩متعودوش
اطفالكم يتصلوا باصحابهم 10 و 11 بالليل و يفضلوا يرنوا مره و اتنين و
تلاته عشان عيب مش معنى انك سهرانه و مشهيصه الناس كلها كده ،،،فى ناس
بتنام بدرى🚩مش كل ماتشوفوا حد لازم تسألوه رايح فين و راجع منين و منين و بكام!!!!🚩لما تتصلوا على تليفون البيت و يرد عليكم الاطفال متقعدوش تاخدوا منهم تفاصيل و اخبار!!! دى هوايه عند فئه معينه من النساء🚩متدخلوش عند حد البيت و تصروا على التجول فى البيت كله كأنه جراج عمومى،،،،للبيوت حرمات🚩عادى
انك يبقي شعرك خشن و عادى ان اللى قدامك سلفتك او حماتك تبقي ابيض منك و
عادى ان اخت زوجك تبقي مستواها اعلى منك،،،،،بلاش نقعد نهرى و ننكت و نرضي
بحالنا و كمان يبقي عندنا ثقه عشان اوتوماتيك بتتنقل لولادنا🚩متستقبليش
حد فى بيتك و انتى مش جاهزه للاستقبال ده و تعبانه و عماله تشتكى خصوصا لو
حد مش قريب اوى و تقفى قدامه توضبي البيت و تغسلي كوبايه عشان تقدمى فيها
عصير!!🚩
متستدرجيش اللى قدامك فى كل التفاصيل و تراهنى انه هيتكسف و يرد لان فى رد
اسمه انتى مالك ممكن فى اى وقت تلاقيه لبس فى وشك مره و انتى بتطقسي🚩متشغليش بالك حامل ولا لأ و فى ولد ولا بنت و فى الشهر الكام ،،،،،عيب،،،،وميخصكيش🚩 بلاش يبقي هوايتنا الغوص فى اعماق البشر و معرفه كل طقوس حياتهم بالملل ،،،،!!!!🚩 بلاش ننشغل و نعمل سبوت على عيوب الناس و نقول احنا احسن منهم عشان فى اكتر من سبوت متوجه عليكى من وراكى انتى كمان مش شايفاه!!!🚩
لما بنتك تقولك انا جبت كذا فى الامتحان متقوليلهاش واللى قاعده جنبك جابت
كام و تلوميها انها اقل من صاحبتها ،،،متطلعوش عيالكم منفسنه و حقوده!!!!!🚩 علفكره ممكن تصاحبي واحده من غير متعرفى زوجها بيشتغل ايه و بتصرف كام ،،،،عاااادى🚩
متعودوش تتكلموا عن ازواجكم وحش قدام ولادكم و لا تشتكوا قدامهم و الدنيا
ملهاش امان و رجاله خاينه،،،،متطلعوش جيل مُهلهل معندوش انتماء لبيت و
مفتقد للامان،،،،،،و متحولوش ولادكم لوعاء تنفجروا فيه لما تكونوا مكبوتين
من غيرهم،،،،هما ملهمش علاقه و لذنب بسوء اختيارك لزوجك و لأصحابك !!!!!!🚩🚩🚩
الجواز مش نهايه المطاف لقيلك منفذ تطلعى فيه طاقتك و يُشبعك نفسيا بعيد
عن البيت تشحنى منه طاقه ايجابيه،،،عشان لما ترجعى البيت تعكسي الطاقه دى
على اللى حواليكى،،،،حتى لو بمجلس علم او خرجه او رياضه شغل اى شيء
،،،الكمفورت زوون بتاعتك لوحدك🚩🚩🚩
هتيجى على ولادك و تاذيهم نفسيا و عصبيا هيتردلك بعد عشرين سنه و انتى
كبيره و استيعابك بطيء زيهم دلوقتى ،،،،ونفس ردودك و عصبيتك هتتردلك🚩🚩🚩🚩 هما اربعه وعشرين قيراط هتاخديهم هتاخديهم ،،،فمتبصيش لحلاوه القيراط اليتيم اللى فى ايد غيرك!!
❤ خليك خفيف ظريف عشان متدفعش اللى قدامك انه يكذب عشان يحتوى حماقاتك و ضيق افقك
👎ملهومش علاقه ببعض بس كانوا محشورين فى زوري