1- ميصير تلبسين حجاب مشجر على ملابس مشجره ( طبعا اغلب البنات ايعرفون هايه المعلومه بس اكو عدد مو قليل ميعرفوها ) , اذا ملابسج مشجره اختاري حجاب ساده بلون موجود ضمن تشجيره القميص والعكس صحيح اذا ملابسج ساده البسي حجاب مشجر .

2- اختاري لفه الحجاب الي اتناسبج ولتمشين ع الموديل , صار فتره دنشوف موديل التوربن والشيله كولش منتشرات بس هيج موديلات متلوك الكل البنات يعني مثلا اذا وجهج مليان ومنطقه الرقبه مليانه ابتعدي عن التوربن , واذا وجهج صغير وراسج صغير الشيله راح تبينه اصغر او اذا منطقه الفك عندج عريضه هم مراح تناسبج الشيله ,بنات ما بيها شي اذا جربتو الموديلات الجديده لان ممكن تلوكلكم وبالنهايه انتو حرين بالاختيار .
3- اذا انتو متحطون مكياج او مكياجكم كولش خفيف ابتعدو عن الحجاب الابيض والالوان الكولش فاتحه لان راح اتبهت وجهكم هيج اللوان من الحجاب يحتاجلها مكياج قوي ينطي حياه للوجه والبنات الي عدهم مشاكل كلف او تصبغات بالبشره ايضا ابتعدو عن الالوان الفاتحه لان راح تبرز عيوب بشرتكم .
4- اشتري قطع ملابس مناسبه للمحجبات يعني مثلا لتشترين قميص شفاف او الردان مالته قصيره عليج وتضطرين تلبسين جواها قطعه ثانيه , واذا الملابس جانت قصيره او ضيقه راح تخلين قطعه فوكاها وووو....الخ بالنهايه راح تلكين نفسج لابسه 3 او 4 طبقات وهذا شي موعملي ومو مريح خصوصا بالجو الحار .
5- حاولي تنسقين لون مكياجج مع لون الحجاب والملابس يعني مثلا لتخلين مكياج بالالوان الترابيه وانتي ملابسج وحجابج باللون الوردي .