ليه كتبوا عليها لا تستخدم اقل من 6 سنوات ( ايه هو اللى ممكن يحصل فى طفل اقل من 6 سنوات و ميحصلش فى طفل عنده 6 سنوات و يوم)
و لا السبب فى مادة chlorpheniramine مع العلم انها مسموح بها للام المرضعة (american academy of pediatrics)و طبعا المادة دى بتنزل فى لبن الام و بتوصل للطفل الرضيع !!!
و كمان حاجة زى ال رينوستوب نقط كانت بتتوصف للرضع والشركة المنتجة بتعملها دعاية عند دكتور الاطفال لأقل من سنة من يوم وليلة ماتبقاش تنفع غير ل 6 سنوات
فى عام 2005 توفى 3 حالات فى الولايات المتحدة الامريكية عمرهم اقل من 6 شهور و كانت نتيجة تحليل الدم هو وجود نسبة عالية من مادة السودوافدرين أكثر من النسبة العلاجية
و قد تبين بالتحرى عن هذه الحالات ان الام قد استخدمت دواء من ادوية البرد OTC من نفسها به مادة السودوافدريبن بالاضافة الى ان الطبيب المعالج و صف لها ايضا دواء يحتوى على السودوافدريبن ايضا و بالتالى كانت الجرعة زائدة بطريقة الخطأ
و لما كانت الجرعة الزائدة قد تسببت فى وفاة 3 اطفال (من 1519 طفل فى الفترة العمرية اقل من سنتين و الذين كانوا يعالجون بأدوية البرد) من الولايات المتحدة فى الفترة من 2004 الى 2005 كانت التوصيات كاتالى :
* الا يستخدم الاهل الادوية التى تحتوى على مادة السودو افدرين من انفسهم بدون اشراف الطبيب
* ان يستخدم الطبيب السودوافدريبن فى الحالات التى تستدعى من الاطفال دون سن السنتين للضرورة و بجرعة مضبوطة
و هى 4 مجم سودوافدريبن لكل كجم من وزن الطفل موزعة على 3 جرعات
[مثل السودوفين يحتوى على 10 مجم من السودوافدريبن لكل ملليلتر فتكون جرعة الطفل الى وزنه 10 كجم ---------> 20 مللى فى اليوم مقسمة على 3 جرعات يعنى 6.5 مللى كل 8 ساعات ]
[اما الكونجستال فيحتوى على 15 مجم من السودوافدريبن لكل 5 مللى فتكون الجرعة لطفل 10 كجم هى 13.3 مللى فى اليوم يعنى حوالى 4.5 مللى كل 8 ساعات ]
و جدير بالذكر ان هذة النشرة لم تتضمن السن من 2 الى 6 سنوات فمش عارف هنا فى مصر جابو الكلام دا منين و لا يمكن خايفين على الشعب المصرى قوى و يسوى البنى آدم عندهم كتير فخروجا من المساءلة القانونية قامت الشركات بكتابة هذا التحذير علشان تخلى مسؤليتها الجنائية
فلزم معرفة حقيقة الامر و كون بعض الناس اللى انا كنت منهم بقول لناس استخدموا الدواء عادى و كتابة التحذير ليس له مبرر فأرى ان نصيحة الاهل بعدم استخدام مثل هذه الادوية بدون استشارة الطبيب المعالج و معرفة الجرعة المناسبة بناءا على وزن الطفل و اللتى للأسف لو سالت 90 % من الاطباء هيقوللك مش عارف الجرعة بتاعة السودو افدرين ايه فضلا عن كتابته للعلاج للطفل بدون وزن و عدم توجيه الام لاعطاء لجرة المحسوبة بالملليلتر
ادوية البرد كأى دواء سلاح ذو حدين يجب ان يستخدم بحذر و بعلم و الا تحول الى سلاح مدمر
إرسال تعليق