احلى وارخص مزيل مكياج لكل انواع البشره !!!!!!!!!!

بنات طبعا هذا المزيل ايجنن عباره عن مي وزيت ترجين العلبه وبعدين تخلي على القطنه وتمسحين بي كل المكياج صار اكثر من سنه استخدمه هايه العلبه الثانيه او الثالثه الي اشتريها منه ويجنن بالبدايه خفت منه لان بي زيت عبالي راح ايخلي وجهي دهني اكثر او ايطلعلي حبوب لان وجهي كولش نحس
خصوصا من مزيلات المكياج بس الحمد الله طلع احسن مما توقعت , جربت قبله 3 مزيلات وجانت تجارب جدا فاشله سعرهم غالي وحجمهم صغير واصلا ميشيلون المسكاره والايلاينر احس عبالك دا امسح وجهي بمي , وبنات حجم العلبه جبير 400 مل يعني راح يبقى عندج فتره طويله ومناسب لكل انواع البشره .

* بس اكو ملاحظتين مهمات لازم تنتبهن عليها حتى تحصلين على احسن نتجه :
1- اذا حاطه مسكاره او ايلاينر وتر بروف او حمره مارت طبعا اذا مسحتيهم بالمزيل بسرعه مراح تنشال ف احسن حل اتجيبين القطنه اتخلين عليها المزيل وبعدين اتخليها على المكان الي بي المكياج الوتر بروف وتركيها 10 ثواني وبعدين امسحي راح تلكي هوايه خف وتكدرين تمسحي بسهوله وبنات انتبهو تره منطقه العين جدا حساسه خليج حذره وانتي تمسحين المكياج.
2- بنات ويه كل انواع مزيلات المكياج استخدمو القطن المخصوص مال مكياج مثل الي بالصوره طبعا سعره مناسب كولش ومتوفر بكل محلات الكوزمتك , لتستخدمون القطن العادي لان بس اتخلين عليه المزيل راح ايموع وصعب تستخدمي .