1- ابتعدي عن الشعر الطويل لان راح ياخذ من طول ظهرج ويبينج اكصر , اذا جنتي جريئه كصي شعرج قصير واذا ماعندج جرئه او اذا متحبين الشعر القصير جربي التسريحات المرفوعه مثل تسريحه الكعكه العاليه راح تنطيج طول اكثر ومدى اطول للرقبه .

2- البسي دائما التنوره والبنطرون بخصر عالي لان راح ايبين رجليج اطول وابتعدي عن الجينزات البوي فرند الي تجي كصتها تشبه الجينزات الرجاليه لان راح اتبينج اكصر واسمن.
3- ابتعدي عن الجنط والاكسسوارات والاحزمه الجبيره لان راح تاكل من طولج وتبينج اكصر واختاري دائما الجنط الصغيره والاكسسوارات الناعمه الطويله وابتعدي عن الاحزمه واذا حبيتي تلبسيها انتبهي لازم تكون رفيعه.
4- اختاري التيشرتات التي تجي كصتها عن الرقبه على شكل v وابتعدي عن التيشرتات الي تجي كصتها مدوه لان راح اتبين الرقبه اكصر واسمن , واذا لبستي قميص خلي اول دكمتين مفتوحات وراح تنطيج نفس تاثير التيشترت ال v.
5- البسي البناطير والقمصان المقلمه بالطول راح تنطيج طول اكثر وابتعدي عن القطع المقلمه بالعرض .
6- ابتعدي نهائيا عن القطع الي تجي كولش طويله او كولش عريضه , والافضل تلبسين قطعه قصيره واذا جانت القطعه طويله دخليها جوه البنطرون راح تطلع احلى عليج , واذا جنتي محجبه تكدرين تجربين نفس الطريقه بس ضيفي قطعه ثانيه فوكاها وانتبهي تكون بطول مناسب .
7- واخيرا الحذاء حاولي تختاري بالشكل الي بي بوز وابتعدي عن الشكل المدور من كدام , وبالنسبه للون الحذاء الافضل اما يكون قريب على لون البنطرون او بلون نيود قريب على لون بشرتج لان راح ينطي طول اكثر للرجلين .