ريفيو اليوم راح ايكون على هذا الفاونديشن من فلورمار, اني شخصيا  احب هاية الماركة عدهم هواية منتجات حلوة واسعارها مناسبة  و اعرف هواية بنات جربو هذا الفاونديشن  وحبو ويمكن هذا الي خلاني اتحمس اجربة بس بنات  صراحة هذا الفاونديشن جربته اكثر من 10 مرات انطيتة هواية فرص بس ما بي ولا شي حلو مدا الكة اي شي ايجابي اكولة علية جربت اخلي بالفرشه مفاد جربت الاسفنجة هم مفاد طبعا هو قوامة متوسط مجرد اخلي على وجهي احس حاطة طبقه مال طين  على وجهي بالضبط هذا الي حسيتة ويبين كل المسام مال وجه مع ان اني مسام وجهي كولش عادية بس من اخلي احسها تبرز بالزايد ويبين كل الخطوط الرفيعه والتجاعيد مال وجة يعني احس هذا الفاونديشن  يبرز كل عيوب الوجة يعني 10 مرات حطيتة على وجهي ومكدرت اطلع بي راسا اروح اغسل وجهي  لان صراحة فد شي كارثي 

طبعا اني ماخذة درجة غامقة من الفاونديشن ف حاولت اخلطة وية انواع ثانية هم مفاد وبالعكس صار اسوء صراحة يأست منه 

ومستحيل ارجع اخلي على وجهي .

بنات هذا الفونديشن وغيرة من المنتجات الي انزلها لتعتمدون بس على رايي انتو روحو وجربوها لان المكياج وخصوصا الفاونديشن يختلف من بشرة للثانية ف  لتحكمون على اي منتج بدون متجربو بنفسكم .