من اول مره جربت بيها هذا الكونسيلر واني حبيته صار سنتين استخدمه ومستحيل استغنه عنه صار جزء اساسي من روتين مكياجي اليومي , بس مثل باقي المنتجات اكيد بي سلبيات وايجابيات بس قبل ما اذكرها لاز انطيكم كم ملاحظة مهمه حتى تحصلين على احسن نتيجه

• الاسفنجه مال كونسلر لازم تشيليها وتغسليها باستمرار لان هي مثل اي اسفنجه ثانيه راح تلم جراثيم وممكن تسببلج مشاكل فلازم تهتمين بنضافتها .

• وزعي الكونسيلر تحت العين واتركي لمده نص دقيقه ينشف شويه وبعدين ادمجي حتى ينطيج تغطيه اقوة .
• احسن طريقه لدمج الكونسيلر هي باستخدام الاصابع لان البيوتي بلندر تمتص كميه من المنتج وهذا الشي راح ايقلل من تغطيه الكونسيلر .
• اذا حبيتي تزيدين تغطيه الكونسيلر ثبتي بالبودره المضغوطه واذا حبيتي تغطيته المتوسطه ممكن تستخدمين اللوس باودر.



الايجابيات :
*سعرة مناسب .
*قوامه خفيف.
*تغطيه متوسطة .
* مناسب للاستخدام اليومي .


السلبيات :
*حجمه صغيره وبسرعه يخلص , نهائيا مو اقتصادي اذا جان عندج دوام .
* درجات الكونسيلر كولش محدوده واغلبها فاتحه .
* مو مناسب للبنات الي عدهم هالات كولش قويه .