وانا بهزر مع مراتي 😂😂
كنت جايب خط جديد وسجلته على تليفون مراتي بااسم خدمة فودافون بالانجليزي
وروحت بعتلها من تليفونى تم شحن رصيدك ب 2000 جنيه
مراتي قرات الرسالة ووشها احمر اوى😂😂
بقولها مالك بتقولى انا حد حولى رصيد ب 2000 جنيه بالغلط😞
قولتلها بجد قالتلى اه والله ولازم نرجع الرصيد لصاحبه عشان حرام
قولتيلها خلاص اكيد هيتصل هو😉
بعد ساعة كدا بعتلها رسالة تانية قولتيلها مبروك تم اختيار رقمك من مسابقة السحب على 10 آلاف جنيه
يرجى زيارة أقرب فرع لاستلام الجائزة💲
مراتي قرأت الرسالة من هنا والله فكرتنى بأبو تريكة لما جاب الجون فى الصفاقس فى اخر دقيقة لقيتها بتجرى فى الشقة وبتصرخ من الفرحة💃
و بتقولى بقا معايا 10 آلاف جنيه هجيب ال نفسى فيه هجيب مكياج هجيب لبس هجيب كل حاجة👗👜👠💄👒
وانا عملت نفسى فرحان وهموت من الضحك😂😂
بقولها مبروك عليكى هتدينى منهم كام😂
قالتلى لا مش هديك حاجة انا هشترى بيهم حاجات كتير😀

وراحت ع الفريزر وجابت تلج و حطته فوق راسها من الفرحة وشوية وتسجد وانا هموت مش قادر😂
بعدها قولت حرام لتموت منى ولايجرلها حاجة
روحت بعتلها رسالة تانية وقولتلها تم سحب الجائزة منك
عشان مش هتدى جوزك منها حاجة لقيتها والله باصه
فى التليفون مش مصدقه وساكتة وبتبصلى
لقاتنى ميت عالارض من الضحك😂
من ساعتها وانا بغسل هدومى لنفسي😥😂امانة عليكم