القلب معاك - شادية

القلب معاك ثانية في ثانية 
لو حتى تروح آخر الدنيا 

فرّحته معاك أول فــرحة 
مشـــتاق وحياتك للتانية 

ده أنا قلبي معاك

أنا ح ابعت روحي تهيم حواليك  
عالبعد عشان تفتنلي عليك 

بتكلم مين وتبص لـــمــين  
في غيابي ومين حليت في عينيك 

إياك إياك .. لابقى مخصماك  

أنا قلبي معاك لو حتى تروح اخر الدنيا

ح أبعتلك كل دقيقة ســــلام  
من ســـاعة ما أصحى لحد ما نام 

وح أقضي اليوم من بعد اليوم  
على فات كم يوم وفاضلك كام 

بس اوعى تغيب .. يا أعز حبيب  

أنا قلبي معاك لو حتى تروح اخر الدنيا

العين بتقوللي رح اعمل إيه  
وأنا لســـه معاه واشــــتقت إليه 

والقلب خلاص بيقوللي خلاص  
من بكرا خلاص أنا ملك ايديه 

اياك تنساه .. وتزيدله قساه  

أنا قلبي معاك لو حتى تروح اخر الدنيا

كلمات: فتحي قوره 

ألحان: منير مراد