احترس من سيارة مني كار إيجيبت الجديده ،، لو ناوى تشتريها
يبقى لازم تعرف شوية حاجات عنها :
١- دي اول عربية تنزل متحمل عليها المجموعة الكامله لاغاني طيور الجنة
٢- اعمل حسابك لما تحطلها بنزين ،، ماتتحركش بيها قبل ماتخبط على سقفها ،، لحد ما تتكرع
٣- إنسى موضوع محطات البنزين ،، وتعمل حسابك ف ببرونة تنقطلها بيها البنزين براحه
٤ - لازم يبقى معاك علبه لبوس ڤولتارين 12.5 دايمًا ،، علشان لو سخنت منك ع الطريق
٥ - العربيات ف السن ده ماينفعش تسيبها في جراچ ،، هتخاف تبات لوحدها ،، خدها معاك في اوضتك ،، و ركب هاند فري ،، واسمع عليها اغاني
٦ - ماتقلقش .. العربية دي مابتخدش مخالفات مرورية ،، يعني حتى لو كسرت اشارة ،، اقصاها العسكري هيستأذنك ،، و ياخدها على جنب ،، يعرفها الصح م الغلط
٧ - حاول تمشي في طريق مافيهوش مطبات ،، علشان ماتعيطش منك
٨ - بلاش بنزين ٩٨ ولا ٩٢ عشان معدتها مش هتستحمل ،، خليك ف بنزين ٨٠ ،، وبلاش ساده ،، يعني ممكن بنزين بالفراولة او بالموز ،، العربيات في السن ده بيحبوه جدا
٩ - لو خبطت بيها حد ،، ما تخافش عليه ،، آخره هيموت م الضحك
١٠- البطاريات بتاعتها بطاريات قلم ،، يعني لو في يوم نامت منك ،، عضعض البطارية ،، هتدور معاك
١١- وانت ب تفولها ،، متخليش حد يشوفها .. عشان العين والحسد
أخيرا .. ياريت اصحاب العربيات اما يشوفوا العربيه دي ماشيه جنبهم ف الشارع ،، يبقى ممنوع منعا باتا استعمال الكلاكس ،، لإنها هتتفزع ،، وممكن تفك من بعضها ،، و تقشط ،، وتبهدل نفسها 😅
