قلقاس بانيه

مكونات القلقاس البانيه
مكونات القلقاس للتسويه
قلقاس شرائح
طماطم
بصل
مكعب مرقة دجاج
ملح
فلفل


مكونات البانيه
كوب دقيق
نصف كوب بقسماط مطحون
بيضه
ملعقتين لبن
1م.ك نشا
ملح
فلفل
2 كيس فيجيتار


طريقة عمل القلقاس البانيه



طريقة تحضير القلقاس البانيه

فى حله على النار حنحط فيها مياه ونسيبها تغلى
حنحط فيها البصل والطماطم ومكعب المرقه البيتى ونظبط الملح والفلفل بتاعنا ونغطى الحله عشان تغلى شويه بالمكونات اللى حطيناها
بعد كده حنجيب شرايح القلقاس الطازه او لو كنا حافظينها فى الفريزر نحطها على طول فى الميه منستنماش تفك عشان متبوظش مننا
نستنى لما القلقاس يبقى 3/4 سوا عشان ميتهريش معانا ونطلعه ونسيبه يبرد شويه عشان نعمله خلطه البانيه
بعد كده حنحط النشا على الدقيق وشويه ملح وفلفل ونحط الفيجيتار على البقسماط ونحط اللبن على البيضه وشويه ملح وفلفل ونقلب كل مكون على حدى
حناخد القلقاس ونحطه فى الدقيق وبعدين فى البيض وبعدين فى الفيجيتار ممكن نرجعه تانى للبيض وبعدين الفيجتار مره تانيه عشان يبقى طبقه البانيه كبيره ويدينا قرمشه
نخلص كميتنا وطاسه فيها زيت سخن نبدا نقلى شرايح القلقاس بتاعتنا وبعدين نشيلها نصفيها على مناديل مطبخ
نحطها فى طبق التقديم وممكن نرش شويه بقدونس على الوش