لحم عصاج

مكونات لحم العصاج
1 كيلو لحم مفروم
1/2 كيلو بصل
1 م.ك زيت
1 م.ك سمن
ملح
فلفل
جوزة الطيب مبشوره
لو عاوزينها حمرا
1 كوب عصير طماطم
1 م.ك صلصه
طريقة عمل لحم العصاج



طريقة عمل لحم العصاج

فى حله على النار حننزل بمعلقة سمن ومعلقة زيت واول مايسخنوا
حننزل باللحم المفروم والبصل ونقلب فيه لحد لونه مايتغير
حننزل الفلفل وجوزه الطيب ونقلب كويس لحد ماتفلفل معانا ونظبط الملح بتاعها اول ماتستوى معانا
لو عاوزينها حمرا بالصلصه حنجيب كوبايه الطماطم ونحطها على النار تتسبك وبعد كده حننزل بمعلقة الصلصه
حنحط اللحمه المفرومه والبصل بعد ماتستوى على الصلصه اللى عملناها ونقلب
بنستخدم لحم العصاج فى المكرونه بشاميل و صينية الرقاق وغيرها من الوصفات
الف هنا وشفا