الاخطــاء العشــــره في طهي الطعام
انا جبت لكم الاخطاء اللي المفروض نتفاداها
الخطأ الأول في طهي الطعام
من الخطأ استخدام كمية كبيرة من الماء في عملية سلق الخضراوات لأنها تفقد فيتاميناتها في الماء .. ولذا يجب استعمال أقل كمية ممكنة من الماء .
الخطأ الثاني في طهي الطعام
من الخطأ تقطيع الخضراوات قطعًا صغيرة قبل طهيها بمدة .. لأنها تفقد بهذا جزءاً من الفيتامينات وعصارتها أثناء الطهي.. ولذا يجب أن تقطع قطعًا كبيرة وقبل الطهي مباشرة .
الخطأ الثالث في طهي الطعام
من الخطأ نقع الخضراوات والفاكهة في الماء لمدة طويلة ، لأن هذا يساعد في تحلل بعض الفيتامينات وفقدها في الماء .
الخطأ الرابع في طهي الطعام
من الخطأ غلي الخضراوات في الماء لمدة طويلة .. فالغلي لمدة طويلة يفقد الخضراوات كثيرًا من قيمتها الغذائية ، وللتغلب على هذا تضاف الخضراوات للماء المغلي .. أو تستخدم حلة البخار فتحقق السرعة وتحافظ على القيمة الغذائية.
الخطأ الخامس في طهي الطعام
من الخطأ طبخ الخضار واللحوم معًا وتركهما على النار لمدة طويلة .. ويفضل أن يُطهى الخضار أولاً ثم يضاف له اللحم المسلوق بعد ذلك .
الخطأ السادس في طهي الطعام
من الخطأ وضع اللحوم المجمدة أو الخضار المجمد مباشرة إلى الماء المغلي .. بل تترك لإذابة ثلجها ببطء في رف الثلاجة ثم توضع بعد ذلك في الماء المغلي .. فهذا يحافظ على قيمتها الغذائية.
الخطأ السابع في طهي الطعام
من الخطأ تتبيل اللحوم بالملح والبهارات قبل شيها .. لأن هذا يُفقِدُ اللحوم كمية كبيرة من الحديد .. ومن الأفضل أن يشوى اللحم ثم يضاف له الملح بعد ذلك.
الخطأ الثامن في طهي الطعام
من الخطأ استخدام زيت القلي في زيت التحمير لمرات عديدة ، فإن الزيت المغلي لأكثر من مرة قد يسبب أضرارًا صحية كثيرة .. ولذا يفضل استخدام زيت القلي النباتي الذي يتحمل درجات حرارة عالية مثل زيت الذرة ودوار الشمس والنخيل على ألا تزيد مرات الغلى على 10 مرات في عملية الطهى الواحدة .
الخطأ التاسع في طهي الطعام
من الخطأ طهي البطاطس والبطاطا والجزر وباقى النباتات ذات الجذور بعد تقشيرها .. والأفضل أن يتم طهيها بقشرها ثم نزع القشرة بعد الطهى حتى تحافظ على كامل قيمتها الغذائية .
الخطأ العاشر في طهي الطعام
من الخطأ غلي الشاي أكثر من مرة أو لمدة طويلة ، فهذا يفقده بعض فوائده ويزيد من أضراره .. بل يجب غلي الماء أولاً ثم يُضاف إليه كمية معتدلة من الشاي مع تناوله معتدل الحرارة .
نصائح تهمك في الطهي
1) لا تغادري المطبخ نهائيا أثناء قيامك بعملية قلي الأطعمة او تسخين الزيت. ولا تنشغلي بشىء آخر مثل التحدث بالهاتف او تجهيز الأطعمة.
2) دائما جففي المواد والأطعمة التي ترغبين بقليها قبل وضعها في الزيت.
3) للحصول على بطاطس مقرمشة ، سخني الزيت، اقلي البطاطس الى ان تصبح بيضاء اللون، اخرجيها من الزيت، ضعيها في مصفاة، اعيدي تسخين الزيت ثانية، اعيدي ا لبطاطس ثانية الى الزيت ثم اقلي الى ان تصبح ذهبية اللون، تبقى متماسكة ومقرمشة.
4) لا تملئي المقلاة بالكثير من الطعام أثناء القلي،، يفضل القلي على مجموعات صغيرة، اخرجي المجموعة التي تم قليها قبل اضافة مجموعة اخرى.
5) عند استعمال طريقة التحمير البسيط ( او التشويح ) في القليل من الزبدة، أضيفي بعض الزيت الى الزبدة لكي يمنع احتراقها. ويفضل ايضا ان تضعي الزيت اولا في المقلاة الى ان يسخن تماما ثم تضيفي الزبدة ، فبذلك تضمنين ان يكون الدهن قد وصل الى درجة السخونة المطلوبة دون احتراق الزبدة.
6) اذا لاحظت ان الشوربة مالحة زيادة عن اللزوم أضيفي بضع ملاعق من عصير الليمون او أضيفي بعض الكريمة او الحليب
7) تأكدي من تاريخ صلاحية الباكينغ باودر وبيكربونات الصودا ، عندما تفتحين العلبة الجديدة افتحيها من القاع وبالتالي يبقى التاريخ مسجلا على العلبة ترجعين اليه وقت اللزوم.
افتحي كيس الخميرة الفورية، افرغيه في برطمان، اقطعي الجزء المذكور عليه
تاريخ الصلاحية ثم الصقيه على غطاء البرطمان ،، فيكون ظاهرا لديك في كل وقت
تحتاجين فيه لأستعمال الخميرة وتتأكدين من صلاحيتها دائما.اليكن اخواتى هذه الطريقة لتقشير الثوم والأحتفاظ به
ضعى فصوص الثوم المراد تقشيرها فى اناء به ماء حوالى ساعة
ثم قومى بتصفيته من الماء
وقشريه بالسكين, وستجدى سهولة فى ذلك
قومى بفرم الكمية المقشرة و الأحتفاظ بها فى كيس نايلون بالفريزر او فى اى برطمان
اخرجيه قبل الأستعمال بمدة مناسبة لأخذ احتياجك منه ثم اعيديه مع مراعاة عدم تركه مدة خارج الفريزر
مشاكل مطبخية يتعرض لها المبتدئين
المشكلة الأولى
زيادة الملح في الطعام
ساعات وإنتِ بتطبخي والأكل لسه على البوتاجاز بعد ما تحطي الملح وتدوقي الأكل تلاقي إن الأكل طلع ملحه كتير شوية.. طبعا بتزعلي وبتبقي مش عارفة تعملي إيه بالرغم من إن الحل بسيط جدا وكل الحكاية إنك والأكل لسه على النار تجيبي بصلة وتقشريها وتقطعيها إلى قطع صغيرة جدا وتحطيها في الحلة اللي فيها الأكل ده وهي هتمتص أي ملح زيادة.
أو إنك تضيفي معلقة صغيرة من السكر وهي هتضيع لك أي ملوحة في الطعام.
المشكلة التانية
دموع البصل
أكيد لو سألت أي بنت وقلتِ ليها إيه هي الحاجة اللي مش بتحبيها في المطبخ هتقول لك على طول البصل لأنه بيسبب دموع وحرقان في العين...
والحل هو إنك تحطي البصل قبل ما تنظفيه في حلة فيها مية لمدة نصف ساعة وبعد كده هاتيه ونظفيه وقطعيه وإن شاء الله مش هيبقى فيه دموع نهائي.. دي طريقة، وفيه طريقة تانية وهي إنك تحطي البصل بعد ما تقشريه في الفريزر لمدة نصف ساعة.
المشكلة الثالثة
الأكل لزق على النار
ممكن وإنتِ بتعملي الأكل تلاقي جرس الباب رن وتروحي تفتحي وترجعي تاني للمطبخ تلاقي إن الأكل لزق في الحلة.. طبعا مش معقول إنك ترمي الأكل..
علشان كده أحسن حل هو إنك تطفي البوتاجاز بسرعة وتجيبي حلة تانية وتحطي فيها الأكل ما عدا الجزء اللي لزق.
المشكلة الرابعة
تغير لون الفاكهة أو الخضار
دي حاجة كلنا عارفينها وهي إن فيه أنواع من الخضار لونها بيتغير بسرعة وبيسود بعد ما بتتقشر زي البطاطس والباذنجان، وحل الموضوع ده إنك تقشري البطاطس وتقطعيها وتحطيها في مية بملح ونفس الشيء مع الباذنجان الأسود.
أما بالنسبة للفاكهة زي الموز أو التفاح فياريت إنك تضيفي إليهم
المشكلة الخامسة
للتخلص من رائحة السمك في المطبخ
دي بقى مشكلة ناس كتير بتعاني منها لدرجة إن فيه ناس مش بتحب إنها تقلي أو تشوي سمك في البيت بسبب موضوع الريحة اللي بيسببها السمك....
وعلشان تتخلصي من الريحة دي فيه شوية حاجات ممكن إنك تعمليها علشان تقدري إنك تقلي أو تشوي من غير أي ريحة.
والحاجات دي هي:-
1- حطي شوية خل أو عصير ليمون في زيت القلي أو ضيفي شوية من قشر الليمون الطازج للزيت وعلى فكرة الحركة دي بتدي للسمك طعم حلو قوي، وبكده يبقى إنتِ ضربتِ عصفورين بحجر واحد، خلصتِ من ريحة السمك وحصلتِ علي طعم حلو.
2- أو إنك تحطي قطعة فحم غير مشتعلة على الفرن بجانب الصينية اللي بتقلي فيها وخدي بالك إنك تغطي الصينية دي وافتحي مروحة الشفط والشبابيك كلها وبعد ما تخلصي مافيش مشكلة من إنك ترشي معطر جو في الشقة وبكده مش هتلاقي ريحة نهائي.
المشكلة السادسة
كسر البيض أثناء السلق
ساعات كتير وإنتِ بتسلقي البيض ممكن إن البيض يتعرض لحدوث شرخ أو كسور أثناء السلق...
علشان تتغلبي على المشكلة دي يبقى ياريت تحطي معلقة صغيرة خل في المية أو معلقة ملح.
كمان خدي بالك إنك لو لقيتِ إن البيضة اللي هتسلقيها مشروخة يبقى حطي عصير ليمونة في مية السلق أو غلفي البيضة المشروخة بورق الفويل.
المشكلة السابعة
الحفاظ على الخضروات الورقية من التلف
ممكن إنك تجيبي خس وبقدونس وعلى آخر اليوم تبصي عليه تلاقي لونه بدأ يصفر..
علشان تتخلصي من المشكلة دي يبقى ياريت بعد تجيبيهم وتغسليهم كويس وبعد كده تجففيهم وتحطيهم في فوطة وتحطيهم في كيس نايلون وبكده تضمني إن الحاجات دي هتقعد معاكِ لمدة عشرة أيام ده غير إنها هتكون نظيفة وجاهزة على الاستعمال.
المشكلة الثامنة
شوي اللحوم والفراخ والسمك
فيه بنات كتير قوي بتعتبر شوي اللحوم أو الأسماك مهمة صعبة تكاد تكون مستحيلة بالرغم من إن الشوي ده مافيش أبسط منه.
وكل الحكاية إنك تاخدي بالك من شوية الحاجات البسيطة دي:
1- شيلي الدهون الموجودة في الفراخ أو اللحمة قبل الشوي.
2- ماتستخدميش شوكة لتقليب اللحمة أو الفراخ المشوية علشان اللحوم ماتتجرحش منك ويبقى شكلها مش لطيف أثناء التقديم.
3- ماتقلبيش اللحمة أو الفراخ أثناء الشوي كل شوية يعني كفاية مرة واحدة لكل ناحية.
4- خدي بالك وإنتِ بتشوي السمك إن فيه أنواع من الأسماك زي البلطي مثلا لازم تحطي فيها ردة علشان ماتلزقش في الشواية وفيه أنواع تانية يفضل لفها بورق حراري علشان ماتلزقش.
المشكلة التاسعة
تحمير اللحمة والفراخ والسمك
زي ما الشوي مهمة صعبة برضه التحمير والقلي في الزيت مهمة صعبة علشان اللحوم أو الأسماك دي ممكن إنها تلزق أو الزيت ممكن إنه يتطاير عليكِ أثناء القلي.
علشان كده لازم تاخدي بالك من شوية الحاجات دي اللي لو عملتيها يبقى إن شاء الله مش هتلاقي مشكلة.
1- اتأكدي الأول إن الصينية اللي هتقلي فيها مافيش فيها أي آثار للمية ولو حتى مية بسيطة ومن الأحسن إنك تحطيها الأول على النار لمدة 3 دقائق، وبعد كده تحطي الزيت وبكده تضمني إن الزيت مش هيتطاير عليكِ.
2- اتأكدي إن الزيت سخن كويس قبل ما تحطي أي حاجة فيه علشان لو حطيتِ قبل ما الزيت يسخن هتلاقي إن السمك أو الفراخ لزقت فيه.
المشكلة العاشرة
سلق اللحمة أو الفراخ
أنا عارفة إن سلق اللحمة أو الفراخ مافيش فيه مشكلة بس معلش فيه شوية حاجات بسيطة خدي بالك منها وهي:-
1- قبل ما تحطي اللحمة أو الفراخ في المية اتأكدي إن المية دي وصلت فعلا لمرحلة الغليان.
2- ماتحطيش الملح بعد ما تحطي اللحمة والفراخ على النار... استني شوية وقبل ما اللحمة أو الفراخ تستوي بربع ساعة حطي الملح والتوابل.
3- لو لقيتِ إن اللحمة أخذت وقت طويل جدا على النار من غير ما تستوي يبقى ضيفي إليها معلقة صغيرة من السكر وهي هتستوي على طول.
لإختبار البينج بودر
يمكن إضافة قليل منه الى الماء ، فاذا احدث
فورانا فأنه يكون صالحا اما اذا لم يحدث هذا
التفاعل فهذا دليل على انتهاء صلاحيته
__________________________
لتطرية شرائح البفتيك
لتطرية شرائح البفتيك المعدة للشى ،
يتم اضافة قليل من الخل اليها وتركها لعدة
ساعات قبل القيام بعملية الشى .
لسهولة نزع قشر الثوم
افضل طريقة لنزع قشر الثوم هى وضع الثوم
المراد تقشيره فى ماء بارد قبل التقشير
________________________________
للتخلص من روائح الثلاجة
احيانا تطرأ بعض الروائح غير المستحبة فى الثلاجة
ولعلاج ذلك يتم غلى قليلا من الخل الابيض على
النار وبعد أن يبرد تماما يوضع فى الرف الاوسط
وتغلق الثلاجة 12 ساعة ثم تنظف بالماء الساخن
المضاف اليه قليلا من بيكربونات
الصوديوم (وبدون صابون)
افضل طريقة لشى اللحوم والاسماك
يتم وضع صينية بها ماء مغلى أسفل الشواية
لأن ذلك يساعد على امتصاص الدخان المتصاعد
من الشىء بدلا من انتشاره بالمطبخ ، كما أن
نثر قليلا من الملح فى الصينية الموجودة اسفل
الشواية يساعد على عدم احتراق المادة الدهنية
الناجمه عن عملية الشى ، ولإختصار وقت عملية
الشى يمكن شق اللحوم بسكين حاد بخط مائل
_____________________________
اللحوم والدواجن المجمدة
يتم إخراجها من الفريزر قبل عملية الطهى
بنحو 12 ساعة ووضعها فى رف الثلاجة الاسفل ،
ومن الاخطاء الشائعة وضعها فى ماء ساخن
لسرعة ذوبانها لأن ذلك يؤدى الى تشقق الانسجة
الرابطة ويفقدها المذاق الشهى ، كما أن الثلج
الذى لايزال عالقا باللحوم سيستهلك جزءا كبيرا
من حرارة الطبخ . ولا يصح بأى حال من الاحوال
إعادة تجميدها مرة أخرى . لأن بعضا
من صفاته قد تغيرت
اضافة الملح للطعام
يفضل اضافة الملح الى الطعام قبل نهاية
عملية الطهى بقليل ، لأن ذلك من شأنه أن
يساعد على اختصار وقت الطهى والحفاظ
على القيمة الغذائية للطعام .
__________________________
عند انسكاب الصلصة أو الدهون
بفرن البوتاجازأو الميكرويف
قد يحدث هذا اثناء اعداد بعض المأكولات ،
مما قد يؤدى الى انبعاث الدخان من الفرن ،
يتم غلق الشعلة وتسكب كمية من الملح على
المكان الذى سقطت عليه الصلصة أو الدهون
مع مراعاة أن يكون الفرن مازال محتفظا بحرارته ،
وبعد دقيقة واحدة يزال الملح بقطعة
قماش أو أسفنجة نظيفة
ويمكن وضع اناء به كوب من الماء المغلى
وتركه يستكمل عملية الغلى فى الفرن وذلك لعدة دقائق ،
اذ ان البخار المتصاعد يساهم فى اذابة بقايا
الطعام الملتصق ، ثم تستكمل عملية التنظيف
بأستخدام قطعة قماش مغموسة فى الخل
وهذا سر القرمشه في التحمير و المقليات
يتم اضافة البكنج بورد الى البقسماط المطحون
الذى يستخدم فى تحمير البفتيك والستيك
وصدور الدجاج وكذلك الاسماك...
من الافضل أن تصنعى السفن أب فى البيت
مشروب لذيذ ومفيد وكلنا بنحبة
اية رأيكم لو عملناة بأيدينا فى البيت
1:-احضرى كوبين من الماء
واضيفى فى كل كاس اربع ملاعق سكر وقلبيهم جيدااا
2:-اضيفى في الكاس الاول نصف ملعقه كبيره كربونات الصوديوم وفي الكاس الثاني نصف ملعقه كبيره ملح الليمون
3:-احضري زجاجه فارغه وصبي من الكاس الاول قليلا ومن الكاس الثاني قليلا حتى تنتهى من الكميه الكامله
ذوقي الطعم بعدها
من أهم المعلومات التي يجب أن تعلمها ربة المنزل هو كيفية القضاء على البكتيريا في المطبخ فمن هذه الغرفة تبدأ سلامة العائلة وصحتها. ولابد للقيام بذلك الالمام بالقواعد التالية:
الالتزام بغسل اليدين
لابد من غسل اليدين قبل اعداد الطعام وبعده وخاصة بعد لمس وتقطيع اللحوم والدواجن والسمك والمؤكولات البحرية والبيض. ولابد من غسل اليد بين المهام فمثلا يجب غسل اليد بعد الانتهاء من تقطيع اللحم وذلك للبدء بتقطيع الخضار. غسل اليدين لابد وأن يكون بماء ساخن وبالصابون تحت ماء جاري لمدة 20 ثانية على الأقل ويجب دعك اليدين جيدا وبين الأصابع، ولا يجب اطالة الأظافر حتى لا تتراكم الأوساخ تحتها فربة المنزل من أهم أولوياتها صحة عائلتها.
غسل الخضار والفواكه
تغسل الخضار والفواكه تحت ماء جاري حتى يتم التخلص من جميع الأوساخ والأتربة وكذلك يمكن استخدام فرشاة خاصة لتنظيف الخضار، كما لابد من ازاله الأجزاء العاطبة فيها نظرا لامكانية تكاثر البكتيريا فيها.
نظافة فوط الصحون والاسفنج
يجب غسل الفوط والاسفنج بماء ساخن مع الصابون ويترك ليجف تحت أشعة الشمس أو في الهواء الطلق. كما يجب المحافظة على غسلها بالمبيض 3 مرات اسبوعيا (34 كوب مبيض لكل جالون ماء). كذلك يجب تنظيف البقع المسكوبة في المطبخ بمحارم المطبخ وخاصة ان كانت البقعة تخص لمس وتقطيع اللحوم والدواجن والأسماك والمؤكولات البحرية ولابد من رمي المحارم فور الانتهاء من استخدامها.
نظافة الأسطح والأواني
يجب غسل الأسطح والأواني وخاصة تلك المستخدمة لتقطيع اللحوم والدواجن والأسماك والمؤكولات البحرية بالماء الساخن والصابون وتنشيفها من الماء
.
لوح التقطيع
من أهم الأماكن التى تعيش فيها البكتيريا هو لوح التقطيع لذا لابد من غسله بالماء الساخن والصابون أو سائل معقم وتعريضه للشمس وتنشيفه من الماء أو يوضع في غسالة الصحون بعد كل استعمال . يجب تغيير اللوح اذا اهترئ أو صار من الصعب تنظيفه.
غسل ترمومتر الأطعمة
يغسل الترمومتر بعد كل استعمال بماء حار مع الصابون ويجب غسله قبل الاستعمال دوماً.
الثلاجة
يجب غسل أي بقعة في الثلاجة فوراً حال حدوثها، كذلك تغسل الثلاجة بماء ساخن مع صابون اسبوعيا ويجب التخلص من الأطعمة التى انتهت مدتها
القطط والكلاب
ابعدي جميع الحيونات التى تربى في البيت من المطبخ والأفضل ابقاؤها خارج المنزل.
1- بعد القلى بالزيت او السمن نصب على البوتاجاز او الفرن مسحوق التنظيف ويمسح الفرن
بورق الصحف لانه له خاصية التلميع
2- لتنظيف سراميك المطبخ سواء الجدران او الارض يذاب قليل من الخل الابيض وقطرات من
الليمون والكحول النقى فى ماء فاتر ويلمع به السراميك فيرجع له بريقه ونظافته
3- لتنظيف الاوانى الفضيه او النحاسيه وحتى تحافظ على لونها الاصلى تطلى بقليل من
الفازلين ( ماده عازله) او من طبقه من روح الخل ( الكولودين) متوفره فى الاسواق والصيدليات
4- لتنظيف السكاكين وادوات المائده غير الفضيه او المعدنيه يذاب قليل من مسحوق الغسيل
فى لتر ماء وبه قطرات من الليمون ويرفع على النار وتكون هادئه وتترك حتى تغلى لمدة ربع ساعه وتترك حتى تبرد ثم تشطف وتجفف وسوف تلا حظين انها تلمع
5- لازالة اثار البيض من الاوانى والملاعق تفرك بقليل من الملح الخشن وتشطف بالماء الساخن وتجفف
6- قبل سن السكاكين ضعيها فى قليل من من الماء المغلى لمدة 5 د ثم تجفف وتسن
7- لتنظيف الاوانى المصنوعه من الالومنيوم قومى بفركها بقشر الليمون
مع مسحوق الثيم
لازالة اثار الحروق من اوانى المطبخ تفرك بقليل من الملح الخشن والليمون وتشطف
وتجفف جيدا
8- للتخلص من رائحة قلى السمك وخصوصا الروبيان وقت التحمير ضعى عددا من فصوص
المستكه على صفيحه فوق النار وتكون النار هادئه وتوتص رائحة التحمير
9- وللتخلص من رائحة البصل فى اليد تفرك بقليل من البن المطحون وتغسل بماء وليمون
10- لتنظيف الابواب البيضاء تنظف بماء به اوراق بصل مغليه ولا حاجه للصابون
إرسال تعليق