الـ عادي
إن الواحد يحب الحاجه عشان إتعود عليها
ولا يتعود عليها عشان بيحبها ؟؟
هي
مش بتحب ( تحب ) حاجه
عشان كل حاجه بتحبها بتروح منها
إنتي ليه مش بتخافي من الضلمه
و هي ليه الناس بتخاف منها
لما بنتعود على حاجه
مش بنشوفها بنفس المنظور اللي شفناها بيه أول مره
أول كل حاجه ليها " طعم " مميز قوي
و " فرحة " مختلفه جدا
هي مش مبسوطة بحاجه كل الناس بتتمناها
وهي تانيه مبسوطة بحاجه مبتبسطش حد
لما حد يحس قبلك بكلمه هتزعلك
ويقوم ماسكك وحاضنك لحظه ما تاخد بالك من الكلمه دي
هي ليه مش قادره تفهم ان مينفعش نقارن بين ماضي ومستقبل
لما هي تبقى بتكلم حد وتلاقيه سرحان
وتخليه ياخد باله انها بتكلمه
ويسرح تاني وتالت
رغم انه عارف انها هنا لوحدها
يبقى حقيقي لازم تحس إنها لوحدها
وفضلت " تحضنه " أول ما تشوفه داخل البيت
شويه بقت " بوسه " سريعه
وبعدين إكتفت بـ " كلمه " ترحيب
لحد ما فـ يوم إكتشفت إنه رجع البيت وغير هدومه وبدأ يتعشى من غيرها
ساعتها بس بدأت تستناه عشان" تحضنه وتبوسه "
