-- بيعاكسك إنتي يا ماما !
- أيوة أنا .. إيه شكلي ماتعاكسش ولا إيه ! .. هو صحيح بنضارة لكن شايف كل حاجة .. فضل لازقلي في الراحة والجاية .. خفت من الحارة وكلام الناس قولت اعمله كمين
-- كمين ! يعني إيه ؟
- اتزوقت واتسبسبت كدة وروحت ماشية قدامه كدة
💃...-- ياعيني ياعيني عالإغراء
- هو شاف كدة وعينه بظت مالنضارة .. وفضل ماشي ورايا .. انا امشي واسبسبله واقوله تعالي .. وهو يمشي ورايا .. لغاية ماجبته في وسط الحارة وقدام القهوة وروحت قالعة الشبشب وفين يوجعك
- وبعدين ؟!
-- ولا قبلين .. طلع مخبر وبيدور علي واحدة هربانة شبهي