نصيحه لكل بنت لسه في بيت اهلها 😐

نصيحه لكل بنت لسه في بيت اهلها 😐
استمتعي بكل لحظه في اليوم ونامي وكتير واول ما تصحي ارجعي نامي تاني لان بعد الجواز انسي النوم 😖
كلي كتييير كلي الاخضر واليابس لو امك او ابوكي جم قدامك كوليهم لان بعد الجواز مش هتلحقي تاكلي وهتفضلي طول اليوم زي المكينه😟
واهم نقطه لما تعملي شاي او قهوه او نسكافيه☕ استمتعي بيه واشربيه وهو سخن يعني بوصي اول ما ينزل من النار اشربيه حتى لو هتحرقي بقك برضو 🔥استمتعيه وانتي بتحرقي بقك ليه بقا لان بعد الجواز والخلفه مصير اي مشروب سخن يا هيتكب على السجاده 💔او في احسن الاحوال هتشربيه ساقع غير ان كل عيالك هيبقو جمبك مترقبين الشويه اللي هتسيبم لهم في الاخر 😑
وما تنسيش تنامي كتيييييييير اسمعي كلامي هتندمي 😭
اشتري هدوم واكسسوارات و شنط على قد ما تقدري ليه بقا لان بعد الجواز كل مشترواتك هتكون لبن وبامبرز وملابس داخليه ومش ليكي طبعا للعيال ولو جبتي ملايه او فوطه او طاسه جديده هتبقا فرحتك ولا فرحت الموظف في عيد العمال💔
وطبعا ما تنسيش تنامي انا نبهتك اهو 😥

واخيرا وليس اخرا واهم حاجه الحماااااام 🚽🚽اقعدي في الحمااام كتييير على قد ما تقدري استمتعي وانتي بتعملي الإإح في الحمام هتقولي ليه !!؟ هقلك لان الحمام بعد الخلفه هيتغير من بيت الراحه الى بيت العيله ايوه ولله زمبقلك كده 😭 لازم تسيبي الباب مفتوح او العيال هيعملو الواجب وهيكسرو الباب عليكي ولا قوات مكافحه المخدرات 🔫🔫
نيجي للعرايس المقطقطين هناء وشرين👰 اللي فاكره انها لما اتجوزت جابت الديب من ديله 😂 اول مرحله هيجيلك اكتئاب في الحمل بسبب تغير الهرمونات وضغط الحمل والاملاح وجسمك هيورم ومناخيرك هتكبر هتكبببر كتييير واحمدي ربنا لو جزم جوزك جات على قدك 👞💔
تاني مرحله يوم الولاده ودي حاجه ما تتوصفش هخليها مفاجئه 😈😂
تالت مرحله اللي هي بعد الولاده والرضاعه و طبعا دا اكتئاب تاني خالص مختلف تماما عن كل الاكتئبات اللي في الدنيا وفي امهات بينتحرو بعد الولاده!!! ايوااا عادي جدا ما تتصدميش و استعدي لتساقط الشعر ونقص الكالسيوم والهبوط والعياااااط والبامبرز والاسهال و الغازات والاتنفاخات💩😂💔
رابع مرحله ودي المرحله العدله الوحيده في حياة الطفل وطبعا لها مساوئها برضو بس اهون شويه لانه اخيرا هيضحك في وشك وهيلعب معاكي 👏💃
خامس مرحله وهي اهم مرحله لانها هتلازمك وهترافقك كتييييير او تقريبا باقي حياتك💔😞 وفي المرحله دي هتقتنعي ان حياتك تكنيكيا انتهت وهي مرحله المدارس والدراسه 💔والمرحله دي مش ليها وصف غير حسبي الله ونعم الوكيل 😟
والسلام عليكم ورحمه الله وبركاته 💃