أنا عروسه 😭 جالى مسدج ع الواتس من رقم غريب فيها صور واحده مع الشخص إللى هتجوزه

مواضيع مفضلة

أنا عروسه 😭 جالى مسدج ع الواتس من رقم غريب فيها صور واحده مع الشخص إللى هتجوزه

أنا عروسه 😭
المفروض فرحى كان إمبارح بليل وطبعا من الصبح فى الكوافير شعر وميك اب والكلام اللى كلنا عارفينه
وفجاه جالى مسدج ع الواتس من رقم غريب فيها صور واحده مع الشخص إللى هتجوزه روحت بسرعه اتصلت بالرقم ردت عليا واحده بقولها إنتى مين وايه الصور اللى ع الواتس دى قالتلى أنها صورها مع حبيبها الشخص اللى عشمها 4 سنين بالجواز وأنه بيحبها قالتلى ولحد إمبارح كان بيكلمنى وبيقولى ان أهله هما اللى عايزينك لكن هو لآ مع العلم إم الشخص دا طريقته وكلامه معايا كله أنه بيحبنى وهيتحدى الدنيا علشانى ولما قولتلها دا قالتلى كداب دا إمبارح مكلمنى اكتر من نص ساعه بيعيط وبيقولى انا بحبك وغظب عنى علشان اهلى وقفل معايا علشان انتى اتصلتى بيه قالى هرد عليها وهكلمك واتس علشان ماتشكش😔 وممكن كمان اعملك اسكرين برقمه ومده االمكالمه وابعتلك اللى ع الواتس
قولتلها إنتى عايزا ايه دلوقتي
قالتلى عايزاكى تسبيلى حبيبى وتبعدى عنه والله بيحبنى انا وانتى بنت وعارفه يعني إيه اتنين بيحبو بعض مش علشان ترضى اهلك وأهله تبعدينا عن بعض
طبعا يومى اتحول 180 درجه من عروسه فرحانه لعروسه مصدومه وقفلت معاها وكملت ميك اب وخلصت كل حاجه والأستاذ جه ياخدنى من الكوافير واحنا ماشين بالعربيه خت نفس عميق كدا وطلعته بهدووء وواجهته طبعا اتصدم جدااا ومعرفش يكذب وقالى أنه فعلا كان بيحبها بس هو دلوقت داخل حياه جديده وقولتله ما انت كلمتها إمبارح قالى دى هى اللى اتصلت ولما وجهته بالاسكرين اللى بعتتهولى . بكل بجاحه قالى أيوه بحبها وهفضل أحبها ودا مايمنعش انى بحبك انتى كمان والنهارده فرحنا يعني خلاص مالهوش لزوم اللى بتعمليه دا😠 قولتله طيب وضحكنا واحنا الاتنين جوانا اسئله لكل اللى بيحصل دا
روحنا النادى ودخلنا القاعه والناس كلها موجودا والدنيا حلوه
وجه معاد كتب الكتااب💔
وطبيعي اى واحده مكانى هتسكت وهتعدى اليوم وجواها محروق طبعا 😭
المأذون قعد والافندى اللى هو العريس وانا والشهود والوكلا اللى هما ولى الأمر
وفجاه لقيت نفسي بقول لآ
اتحول المكان من صوت ناس فرحانه لهدوووء تااام
قولت مافيش فرح ومافيش كتب كتاب المأذون قالى استهدى بالله . قولتله لا إله إلا الله بس مافيش جواز .. وكله فى حاله صدمه واهلى طبعا انتى مجنونه ولا ايه واللى زعق واللى مصدوم واللى يقول كمل كتب الكتاب وانا رفضت بشده وطلعت الصور وورتهالهم والكلام وكله اتصدم وسمعتهم تسجيل بصوته وإحنا راجعين فى العربيه لما واجهته كنت بسجله وكله لسه مصدوم روحت قومت وقولت لاهلى يالا ربنا ديما بيسبب الأسباب وبالفعل اتجهنا لباب الخروج وطبعا انا فى حيره فظيعه مش عارفه أروح بيتي بالفستان ازاى وكلام الناس وفنفس الوقت انا بفكر انا ازاي بقول كلام الناس وانا لسه قلبه الطربيزه عليهم جوه😔
وكان كل تفكيري أروح على حد من اهلى تعبر الفستان وارجع لبيتي عادى وواقفه هموووت من الحيره وكله حوليا بيكلمنى وانا مش مركزه مع حد خالص وعمالين يقولولى ربنا شايلك الخير وماتزعليش نفسك الكلام اللى كله بيقولو دا😤
وانا فى دنيا تانيييييه خاالص
وفجاه التليفون بيرن 😔 ودلوقتى انا منهاره معرفتش أكمل بقيت الخيال الفظيع دا😔😓
سيبونا منى انا نقله المنشور كالعاده وبكل سعاده 😂😂😂😂😂
ولكن لو حصل فعلا كده هو كان المفروض العروسه تكمل الجوازه ولا احسن حاجه انها أنهت الموضوع من الاول 😂😂😂

إرسال تعليق

ملحوظة: يمكن لأعضاء المدونة فقط إرسال تعليق.

المشاركة على واتساب متوفرة فقط في الهواتف