طريقة عمل الكرواسون والباتيه المورق حلو وحادق

مواضيع مفضلة

طريقة عمل الكرواسون والباتيه المورق حلو وحادق




كرواسون وباتيه مورق بدسم اقل

مكونات عجينه الكرواسون والباتيه
4 كوب دقيق (500 جرام)
3/4 كوب ماء دافى (150 ملى)
3/4 كوب لبن دافى (150 ملى)
م.ك خميره (12 جرام)
1/4 كوب سكر (50 جرام)
1/4 كوب زبده سايله ( 50جرام)
بيضه


للحشــــو
جبنه قديمه
نوتيلا

للوجــــه
سمسم
سكر
بيضه بفلفل اسمر او فانيليا حسب الحلو والحادق


طريقة عمل الكرواسون والباتيه




طريقة تحضير الكرواسون والباتيه حلو وحادق

حناخد الخميره نحط عليها معلقه صغيره سكر ونسيبها شويه لحد الخميره ماتنشط
فى بوله حنحط فيها المياه الدافيه واللبن الدافى والخميره والسكر والبيضه ونقلبهم شويه
نحط ربع كميه الدقيق ونقلبهم مع الخليط السائل ده لحد ماينشط الجلوتين معانا وتعمل عرق
نحط باقى الدقيق والزبده السايله ورشه ملح ونعجن كويس لحد العجينه ماتبقى ناعمه معانا
لو العجينه كانت طريه زياده عن اللزوم حنزود شويه دقيق
لما نخلص عجن حنغطى البوله باسترتش ونسيبها تخمر
لما العجينه تخمر حنحط رشه دقيق على الرخامه اللى حنشتغل عليها ونفرد العجين عليها وندهن بفرشاه بالزبده السايله ونطبقها على بعض ونرجع نفردها تانى وندهن زبده ونكرر العمليه دى اكتر من مره عشان تدينا التوريقه اللى احنا عاوزينها
بعد كده حنفرد العجين ونبدا نقطعها مثلثات للكرواسون او مستطيلات للباتيه .
حنحط الحشو (الجبنه او النوتيلا) ونلف العجين ونخلى الطرف بتاعها لاسفل عشان متفكش مننا
حنرص الكرواسون والباتيه فى صوانى ونسيب مسافات بينهم عشان لما تخمر ونسيبها لحد ماحجمها يتتضاعف
بعد كده حندهن الوش ببيضه عليها رشه فلفل اسمر للحادق او بيضه برشه فانيليا للحلو
ونرش سمسم او حبه البركه حسب رغبتنا او ممكن نسيبها ساده
ونحطها فى الفرن على حراره 200 لمده 20 - 30 دقيقه وتحتها صينيه فيها ميه سخنه عشان تبقى طريه ونافشه
وبالف هنا وشفا

إرسال تعليق

ملحوظة: يمكن لأعضاء المدونة فقط إرسال تعليق.

المشاركة على واتساب متوفرة فقط في الهواتف