طريقة عمل العاشوره المصريه



مكونات العاشوراء :
1/2 كيلو غله مقشوره
2 لتر حليب كامل الدسم
1/2 كيلو سودانى مقشر
كوب بشر جوز الهند
كوب زبيب
مكسرات حسب الرغبه
سكر حسب الحاجه
فانيليا
نشا


طريقة عمل العاشوره:


ننقع الغله او القمح المقشور بعد غسله فى مياه لمده 5 ساعات
فى حله على النار بها ماء ليغلى
يتم تصفيه الغله من الماء ثم وضعها فى الماء المغلى وتترك لمده نصف ساعه بعد غليان المياه بالقمح
تترك بعد ذلك 6 ساعات حتى تشرب الغله المياه وتبدا الحبوب تفتح
بعد ذلك نضع مياه على الغله المفتحه ونغليها لمده ربع ساعه
ثم نتركها بعد ذلك لتبرد
بعد ما الغله تبرد نضربها فى الخلاط عشان نفتت الحبوب لقطع اصغر مع وضع ماء فى الخلاط عشان السكين يمشى معانا وقت الضرب
بعد ضرب الكميه الموجوده معانا فى الخلاط توضع فى حله كبيره على النار وتترك لتغلى وبعد الغليان يوضع اللبن 2 لتر ولازم يكون اللبن بخيره يعنى متشالش منه القشده
يترك اللبن والقمح ليغلى مع استمرار التقليب كل دقيقتين عشان الغله متلزقش فى الحله
بعد الغليان يوضع السودانى والزبيب وبشر جوز الهند مع التقليب جيدا وتترك لتعود للغليان
يوضع السكر حسب الرغبه فى التحليه والفانيليا
بعد ذلك نربط كل المكونات بالنشا نضع كوب ماء مذاب فيه 4 معالق نشا ويضاف سرسوب فى الخليط حتى يعقد معنا ولو لقتيه لسه خفيف حتحطى نشا حسب مانتى شايفه الخليط قدامك
يترك النشا على النار لحد مايستوى ونعرف كده من الفقاقيع اللي بتطلع وقت الغليان
تغرف العاشوره فى الاطباق وتزين بالمكسرات وجوز الهند والزبيب حسب الرغبه. تقدم العاشوره بارده وبالف هنا وشفا
موسم العاشوره فى شهر محرم