إضافة شرح

مكونات شوربة العدس
1/2 كيلو عدس اصفر
2 بصله كبيره مقطعه
2 جزره كبيره مقطعه
2 حبه طماطم وسط
2 حبه بطاطس وسط
10 فصوص ثوم
ملح - كمون - فلفل


للتقليه
سمن - زيت
2 بصله
5 فصوص ثوم
شعريه





طريقة عمل شوربه العدس

حنحط المكونات البصل والجزر والعدس بعد مانغسله ونصفيه والطماطم والبطاطس والثوم فى حله فيها مياه على النار
ونسيبها لما المكونات تستوى وحنعرف ده من الجزر والبطاطس بيتهرس بسهوله
حنطفى النار ونسيبها تهدى من السخونيه ونضربهم فى الخلاط ونصفيهم وبعد كده نحط توابلنا ونظبط الملح
حنسوى الشعريه سواء بتحميرها او تكون متحمره جاهز عندنا
حنحط كميه من العدس فى الحله ونحط عليها مكعب مرقه ونسيبها تغلى وبعد كده نخففها بشويه مياه عشان تبقى شوربه
والشعريه لما تستوى حنحط عليها كميه من العدس ومكعب مرقه بيتى ونسيبها شويه لحد ماتتقل
حنجيب زيت وسمن ونحمر فيهم البصله والثوم ونطشهم فى الحله للعدس اللى بالشعريه والشوربه كمان ونقلبهم
ممكن نعمل كميه تقليه لما نغرف فى الاطباق تتحط على الوش
بالنسبه للفته حنجيب عيش ونحمصه بالسمن ونحطه فى طبق ونغرف فوقه شوربه عدس ونحط شويه تقليه ع الوش
يتعصر عليها ليمون وتتاكل بالعيش والبصل الاخضر وبالف هنا وشفا