طريقة عمل صينية البطاطا بالمهلبيه




بطاطا بالمهلبيه

مكونات طاجن "صينية" البطاطا بالمهلبيه
مكونات البطاطا
بطاطا مقطعه مكعبات
3 م.ك سكر
1/2 م.ص فانيليا
2 م.ك سمن
مياه
جوز هند
زبيب
سودانى مجروش
مكونات المهلبيه
1 لتر لبن
1/2 كوب نشا
سكر حسب الرغبه
فانيليا


طريقة عمل صينية البطاطا بالمهلبيه


فى حله على النار حنحط البطاطا المتقطعه ونحط عليها ميه بحيث الميه تغطيها الا حاجه بسيطه
نسيبها لحد ماتستوى وبعدين نحط عليها السكر ونقلبها ونسيبها تشرب الميه كلها اللى فيها
نحط السمنه والبطاطا بتاعتنا سخنه ونحط الفانيليا ونقلبها ونحط المكسرات على حسب رغبتنا ونقلبها كويس
بعد كده حنحضر المهلبيه حنحط اللبن يغلى ونحليه ونحط الفانيليا وندوب النشا فى نص كوب ماء واول اللبن مايغلى حننزل بالنشا سرسوب لحد مانحصل على القوام المناسب
فى صينيه مدهونه سمن حنحط البطاطا ونفردها ونصب فوقها المهلبيه ونحطها فى الفرن ونشغل عليها الشوايه
اول ماتاخد وش حنطلعها ونسيبها تبرد ونقطعها ونقدمها بالطريقه اللى تعجبنا وبالف هنا وشفا
أحدث أقدم

نموذج الاتصال