محشى كرنب كداب بلحم العصاج

مكونات محشى كرنب كداب
عروق كرنب مسلوق
بصله كبيره مقطعه صغير
كوب عصير طماطم بدون ماء
خضره - كزبره - شبت
كوب ونصف ارز
لحم عصاج بصلصه او بدون
سمن
زيت
فلفل اسمر
ملح




طريقة عمل محشى الكرنب الكداب

فى حله على النار حننزل بالسمن والزيت ونسيبهم يسخنوا
حننزل بعروق الكرنب المسلوقه بعد تقطيعها لقطع صغيره
نشوحا لحد ماتبدأ تاخد لون خفيف
ننزل بالبصل والفلفل الاسمر ونقلب كويس لحد البصل مايلون معانا
حننزل بالطماطم ونظبط الملح ونسيبها تتسبك شويه
حننزل بلحم العصاج ونقلبه
حنغسل الرز ونصفيه وبعدين نحطه مع لحم العصاج فى الحله
حنقلب كويس ونحط ميه بحيث نغطى الرز ونحط الخضره ونقلب ونسيبه يتشرب حنوطى النار وبعد كده حنقلبه ونسيبه يستوى