اول مقابلة


هو: تعرفي انك اجمل صدفة حصلتلي!



هي: بجد؟

هو: طبعا انا ماكنتش اتصور ان ربنا يكرمني بواحدة زيك.

ثاني مقابلة

هو: اتأخرتي ليه.. انا كنت هاتجنن عليكي ومش بتردي علي تليفوناتي ليه ؟

هي: غصب عني المواصلات زحمه ومعرفتش ارد !

هو:خلاص ولا يهمك المهم انك وصلتي بخير !

في التليفون

هو:مبترديش ليه عليا كنتي فين ده كله ؟؟

هي:أيه مسمعتش الموبيل وبعدين مش فاضيه !

هو: أنتي بتتكلمي كده ليه في حاجه مضياقي ؟

هي:لا .... سلام دلوقتي .


مرة تانية في التليفون





هو:عايز أشوفك ؟ أيه رايك نخرج انهارده ؟

هي:مش هينفع اصلي مشغوله اليومين دووول !هكلمك بعدين .

هو:حاسك متغيره قوليلي مالك في حاجه مزعلاكي مني

هي:لالالاولا حاجه سلام دلوقتي .

ثالث مقابلة

هو : انتي متغيره ليه في ايه ردي عليا ؟

هي: مفيش هو في ايه بتزعقلي كده ليه قلتلك مشغوله .

هو:انتي شايفه كده اني بقيت بزعق ووحش كمان !

هو: يلا اروحك ؟

هي: لا انا هروح لوحدي !